Gazetarja Klodiana Lala, ka zbërthyer skemën që përdorin trafikantët shqiptarë. E ftuar dje në “Opinion”, ajo ka bërë me dije skemën që ndiqet nga trafikantët e drogës, të cilët transportojnë lëndë narkotike nga Amerika Latine në vendet e BE-së.
Në momentin që niset një ngarkesë, nga Shqipëria dikush shkon dhe mbahet peng, si garant që porosia do të shkojë në destinacion. Gazetarja zbuloi ndër të tjera se pjesa më e madhe e pengjeve, në Shqipëri nuk kanë asnjë problematikë. Më pas iu kthehet në rutinë, dhe madje krijojnë familje atje.
“Në këto momente që flasim, ka persona që janë peng. Në momentin që niset një ngarkesë, një person shkon dhe qëndron peng. Në momentin që nisi pandemia, Interpol Tirana i dërgoi një shkresë Ekuadorit, dhe mori një listë të shqiptarëve që jetojnë atje. Ka një numër jashtëzakonisht të madh.
Shifra zyrtare është shumë herë më e lartë se ajo që ka grumbulluar media. Pjesa më e madhe e pengjeve, në Shqipëri nuk kanë asnjë problematikë. Nuk shkojnë vetëm për një rast. Iu kthehet në rutinë dhe krijojnë familje atje”, tha ajo.
