Pas ndërprerjes së operacioneve të kërkim-shpëtimit në Durrës dhe Thumanë, vëmendja sot ka filluar të kthehet nga qytetet e tjera të cilat u prekën nga tërmeti. Në Tiranë, banorët e pallateve të ndryshme kanë raportuar për dëmtime, të cilat mund të shndërrohen në një tragjedi në rast të lëkundjeve të tjera.
I tillë është një nga rastet e raportuara, për një pallat në Komunën e Parisit, që ka pësuar dëmtime në kolona. Banorët kanë kërkuar ndihmën e ekspertëve, pasi e kanë të pamundur të futen nëpër banesa për shkak të frikës.
Kujtojmë që tërmeti që goditi vendin të martën la pasoja gjigande në Shqipëri. Një bilanc i frikshëm, 50 viktima, mbi 800 të plagosur dhe qindra ndërtesa të dëmtuara dhe të pabanueshme. Përpos kësaj, ende nuk ka një faturë ekonomike mbi dëmet e shkaktuara.
