Pas fitores në ‘X Faxtor’, James Arthur u bë një ndër këngëtarët më të dashur anembanë botës. Fansat e tij janë të shumtë, e gjithmonë mbeten në pritje të projekteve të tij muzikore. Por tashmë atij i duhet që të shkëputet pak nga skena, pasi po kalon disa probleme me shëndetin mendor.
James do të performonte së bashku me Gary Barlow dhe Mark Owen në koncertin që zhvillohej për bamirësi, në Royal Albert Hall, ditën e enjte, por ka njoftuar se ka anuluar eventin për shkak të gjendjes së rënduar psikologjike.
31-vjeçari kërkoi falje publikisht nëpërmjet një postimi në Twitter, në të cilin shkruan se po luftonte me gjendjen e tij të rënduar mendore.
