Koronavirusi ka hyrë tashmë edhe në kabinetin qeveritar. Ministrja e Financave dhe Ekonomisë, Anila Denaj, njofton se është infektuar me COVID-19. Sikundër ndodh në këtë situatë, edhe ajo është karantinuar dhe është nën vëzhgimin e mjekëve për hapat e mëtejshëm dhe trajtimin gradual të sëmundjes.
Ministrja ka kërkuar nga të gjithë qytetarët, që të zbatojnë rregullat bazë ndaj pandemisë së koronavirusit vdekjeprurës.
Disa ditë më parë, Ministrja e Infrastrukturës dhe Energjetikës, Belinda Balluku është prekur nga COVID si dhe ministri i Turizmit, Blendi Klosi.
Statusi
Të dashur miq,
Pas testimit për COVID 19, ju informoj se kam rezultuar pozitive. Aktualisht jam karantinuar, duke ndjekur udhëzimet e mjekëve për hapat e mëtejshëm dhe trajtimin gradual të sëmundjes.
Ju ftoj të gjithëve, të zbatojmë rregullat e higjienës dhe të mbajmë maskën duke ruajtur distancën sociale.
Ju uroj shëndet të plotë!
