Presidenti i Kosovës, Hashim Thaçi, do të largohet nga jeta politike në përfundim të mandatit të tij. Në një intervistë për “Rubikon”, ai është shprehur se është i “ngopur” me pushtet. Thaçi ka thënë se është ngopur me pushtet këto 20 vitet e fundit, pasi është një nga të paktët politikanë të Kosovës që gjithmonë ka drejtuar.
“Nëse dikush është i ngopur me kompetenca në këto 20 vjet, jam unë i ngopur në Kosovë. Dhe i njoh kompetencat edhe të ekzekutivit edhe të Presidencës, dhe e bëj shumë qartë atë dallim të kompetencave.
Unë jam munduar të jem i sinqertë, korrekt dhe i drejtpërdrejtë me qytetarët. Nuk e di cilit lider do ti ndodhë ajo që mua më ka ndodhur që pas dy vitesh qeverisje, të vlerësohem më tepër se kur kam nisur qeverisjen, pra më 2014.
Tash e 6 vjet unë nuk jam më kryeministër. Secili ka të arriturat e veta dhe unë i vlerësoj. Kosova ka një traditë demokratike, të funksionimit të institucioneve. Uroj që secili të ketë suksese në prioritetet që ka”, u shpreh Thaçi.
