Jonida Maliqi ka folur për herë të parë për lidhjen me aktorin e humorit Romeo Veshaj. Në një intervistë për revistën “Class”, këngëtarja ka pranuar ‘pa doreza’ se është shumë e lumtur momentalisht, dhe se do të shijojë çdo gjë larg syrit të publikut. Ajo nuk e ka mohuar lidhjen e shumëpërfolur që u konfirmua pak ditë më parë, pas publikimit të një videoje mjaft intime.
Ç’koment ke për titujt rozë të kohëve të fundit, ka një “Romeo” në jetën tënde?
“Jeta ime personale dua të mbetet e tillë, ndaj mund të shprehem se jam e qetë dhe e lumtur momentalisht”.
Pak ditë më parë, në një video të siguruar nga MCN Radio Albania, Jonida Maliqi shihej shumë pranë Romeos. Ata ndodheshin në pishinë, të përqafuar dhe duke kaluar disa momente vërtet romantike, të filmuara këto ditë të nxehta.
