Jose Mourinho shpesh herë është në qendër të kritikave për sjelljet e tij gjatë një ndeshje futbolli. Në përballjen me Crystal Palace, “Special One” ka ripërsëritur një episod që sezonin e shkuar përfundoi një ndeshje pezullim.
Duke parë rrjedhën që mori ndeshje, ku “Djajtë e Kuq” në fillim të pjesës së dytë e gjetën veten në disavantazhin e dy golave trajneri portugez ishte i nervozuar. në një moment ai godet me shkelm një shishe uji dhe ajo fluturon tek tifozët vendas. por Mourinho ka reaguar menjëherë duke u kërkuar falje dhe gjithçka ka kaluar me humor.
“Ishte bosh dhe erdhi prej zemërimit. Por nuk kishte aspak agresivitet dhe e morëm me humor bashkë me tifozët”, tha portugezi, i cili u kërkoi menjëherë ndjesë atyre.
