Tashmë është zyrtare! Trajneri i ri i Milan-it është Marco Giampaolo. Siç ishte e pritshme 52-vjeçari ka marrë drejtimin e skuadrës kuqezi.
Konfirmimi ka ardhur nga faqja zyrtare e klubit me qendër në Milano, ndërkohë është raportuar se Giampaolo do të qëndrojë në “San Siro” deri më 30 qershor 2021, me opsionin për zgjatjen e kontratës deri në qershor 2022.
Giampaolo e ka filluar karrierën e tij si asistent i trajnerit në Pescara në vitin 2000-të dhe ka fituar licencën për trajner në korrik të vitit 2007-të. Ai ka trajnuar disa klube italiane duke përfshirë Cagliari, Siena, Catania, Cesena, Brescia dhe Empoli.
