Të tjera detaje dalin nga krimi i rëndë brenda familjes në Gramsh, ku burri mbyti gruan e tij, duke e lënë të vdekur në vend.
Mësohet se autori i krimit është Alvin Hysa, 35 vjeç, banues në fshatin Grekan të Gramshit, ndërsa viktima është shtetasja Guroje Hysa, bashkëshortja e tij.
Ata janë prindër të tre femijëve, dhe jetonin në kushte të mjerueshme.
Dyshohet se autori vuante nga problemet e shëndetit mendor, ku pas vrasjes ka marrë mushkën dhe ka shkuar tek e motra, në fshatin Lumras në Berat dhe i thotë që ka vrarë gruan.
Informacioni paraprak:
Specialistët e Hetimit të Krimit në Komisariatin e Policisë Gramsh, arrestuan në flagrancë shtetasin: A.H., rreth 35 vjeç, banues në Grekan, Gramsh.
Arrestimi i tij u bë pasi në banesë për motive ende të paqarta, ka vrarë duke e mbytur me duart bashkëshorten e tij shtetasen G.H., rreth 32 vjeçe.
Materialet hetimore i kaluan Prokurorisë pranë Gjykatës së Shkallës Parë Elbasan për veprimet e mëtejshme.
