Edhe përdorimi i vajit të peshkut duhet në masë, pasi mund të kemi pasoja tejet të rënda. Kërkuesit apelojnë se nëse abuzohet, për rrjedhojë mund të rrisë rrezikun e sëmundjes së mëlçisë së dhjamosur. Studiuesit të cilët janë marrë në këtë drejtim, zbuluan se përdorimi afatgjatë i vajit të peshkut, ose i lulediellit ndikon në ndryshimin e mëlçisë, duke e bërë më të ndjeshëm ndaj steatohepatit jo-alkoolik, NASH.
Ky i fundit është një formë më serioze e sëmundjes së dhjamosjes së mëlçisë jo-alkoolike, NAFLD. Studiuesi José Luis Quiles, profesor i psikologjisë në Universitetin Granadas në Spanjë dhe kolegët e tij, së fundmi raportuan zbulimet e tyre në “The Journal of Nutritional Biochemistry”. Ka rezultuar se rreth 20 përqind e njerëzve në Shtetet e Bashkuara, të cilët kanë NAFLD, kanë gjithashtu NASH, gjendja më e zakonshme me moshën.
NASH karakterizohet nga rritja e yndyrës në mëlçi, e cila nuk është shkaktuar nga konsumimi i alkoolit, inflamacioni dhe dëmtimi i qelizave të mëlçisë. Dëmi i mëlçisë që ndodh në NASH mund të rrisë rrezikun e cirrozës dhe kancerit të mëlçisë.
Vaji i peshkut është një produkt i cili ka një rol të rëndësishëm në mbarëvajtjen e shëndetit të organizmit tonë. Ai është një produkt ushqimor që kuron disa nga sëmundjet, të cilat jo rrallë herë sjellin edhe vdekjen. Vetitë e tij është shumë e vështirë t’i gjesh në produkte të tjera ushqimore.
Vaji i peshkut përmban acide yndyrore (EFAs) që kanë dëshmuar të sjellin një mori të mirash. Pasi janë mësë shumti të hulumtuara dhe të rëndësishme, ne do të përqendrohemi në dy acided yndyrore Omega 3: EPA dhe DHA.
Këto acide etiketohen si të rëndësishme, sepse ne kemi nevojë për këto acide për funksione të ndryshme, por trupi jonë nuk mund t’i prodhojë ato. Për këtë arsye, duhet t’i marrim ato përmes ushqimit ose suplementëve.
