Boksi është një nga sportet më të vështira dhe më konkurruese në botë. Dhe për të qenë në majat e tij është shumë sfiduese dhe duhet shumë punë.
Teksa shumë boksierë ia arrijnë të bëhen profesionistë, shumë pak mundin të jenë të shëndetshëm dhe të suksesshëm për një kohë të gjatë. Por, janë pikërisht këta të fundit të cilët janë edhe më të vlerësuarit.
Më poshtë ne po ju listojmë dhjetë boksierët më të pasur në të gjithë kohën dhe në të gjithë botën.
10- Tyson Fury: 40 milionë dollarë. Ka fituar 29 nga 30 ndeshjet në karrierë.
9- Wladimir Klitschko: 60 milionë dollarë. Ka qenë disa herë kampion bote në disa kategori gjatë 19 viteve karrierë, 1996-2017.
8- Anthony Joshua: 60 milionë dollarë. Boksieri britanik ka një rekord mbresëlënës, duke fituar 22 nga 23 përballjet në ring.
7- Vitali Klitschko: 80 milionë dollarë. Ka pasur pseudonimin “Grushti i Hekurt”, pasi fitoi 45 ndeshje, dhe humbi vetëm 2.
6- Sugar Ray Leonard: 120 milionë dollarë. Një nga boksierët më të famshëm të gjitha kohërave. Ka fituar 36 nga 40 ndeshjet e zhvilluara në karrierë.
5- Lennox Lewis: 130 milionë dollarë. Veç shumë titujve, fitoi medaljen e artë në Lojërat Olimpike të vitit 1988.
4- Oscar De La Hoya: 200 milionë dollarë. Meksikani thirrej ndryshe “Djali i Artë”. Ka fituar 39 ndeshje, dhe ka humbur 6 të tjera.
3- Manny Pacquiao: 200 milionë dollarë. Filipinasi ka fituar 3 tituj botërorë, në 3 kategori të ndryshme. Sot është zgjedhur senator në vendin e tij.
2- George Foreman: 250 milionë dollarë. Ka fituar 76 nga 81 ndeshjet e tij në karrierë. Sot shumica e të ardhurave, i vijnë nga shitja e pajisjeve të kuzhinës që mbajnë emrin e tij.
1- Floyd Mayweather: 380 milionë dollarë. Ka fituar 50 ndeshje deri tani, pa asnjë humbje./ TIRANA TODAY
