28 qershor 1993 – Prifti grek Kristostomu Maidonis shpallet person “non grata”, dhe dëbohet nga Shqipëria. Ai ishte kapur duke shpërndarë nëpër kishat shqiptare harta të Vorio-Epirit, ku jugu i Shqipërisë paraqitej si Greqi.
10 prill 1994 – Në orës 2:40 pas mesnatës një komando greke prej 8 personash sulmon dhe vret në një repart ushtarak pranë fshatit Peshkëpi në Gjirokastër 2 ushtarë shqiptare, dhe plagos 3 të tjerë. Sulmi u krye nga MAVI, Fronti për Çlirimin e Vorio-Epirit. Raportet mes dy vendeve u acaruan në kulm. Greqia nisi dëbimin e mijëra emigrantë shqiptarë, disa duke i keqtrajtuar.
13 tetor 2003- Zgjedhjet lokale në Himarë, shndërrohen në një revoltë dhe përplasje me policinë të disa banorëve që pretendojnë se janë minoritarë grekë. Të pranishëm ishin dhjetëra politikanë të ardhur nga Greqia.
5 shtator 2004 – Emigranti shqiptar Gramoz Palushi masakrohet me thikë në ishullin Zakintos nga shtetasi grek Panajotis Kladhis, vetëm pse po festonte me flamurin shqiptar, fitoren e kombëtares tonë kundër asaj greke në Tiranë
5 qershor 2006 – Zhvarrimet në Kosinë të Përmetit, shkaktojnë incident diplomatik mes dy vendeve. Prifti Vasili Thomollari kish marrë përsipër mbledhjen e eshtrave të ushtarëve grekë të rënë gjatë luftës. Por zhvarrimet ishin bërë dhe në varreza shqiptarësh dhe fshatra, ku ushtritë greke nuk kishin kaluar kurrë.
10 gusht 2010 –Himarjoti Aristotel Guma, gjen vdekjen pasi motori me të cilën udhëtonte, përplaset në anë të një ure. Pak çaste më parë, ai kishte pasur një debat me disa të rinj nga Vlora mbi përkatësinë e Himarës. Këta të fundit, u akuzuan se e kishin përplasur qëllimisht Gumën me makinën e tyre.
17 mars 2011- Qindra qytetarë të Vlorës, mbajtën një protestë kundër kryetarit të Bashkisë së Himarës, Vasil Bollano. Në uebsajtin e bashkisë shkruhej se Himara ishte greke dhe Skënderbeu gjithashtu.
27 mars 2014 -Kudret Kume i njohur ndryshe si Ilia Kareli, gjendet i vdekur më 27 mars 2014 në qelinë e tij në burgun e Nigritas në Greqi, si pasojë e torturës dhe dhunës së ushtruar mbi të nga ana e gardianëve.
15 korrik 2014 – Një video e hedhur në internet, tregon forcat speciale greke që stërviten duke kënduar në korr:Gjeneral, maleve pa bukë e pa ujë, ne do pimë vetëm gjak shqiptari!”. Video të ngjashme ishin shfaqur ne vitin 2007 dhe 2009.
