Teksa ende mbetemi në pritje për vendimin ndaj Tahirit, kryeministri Rama ka përcjellë një reagim jashtë kësaj teme për të cilën është diskutuar gjatë gjithë ditës.
Në postimin e radhës në Facebook, kryeministri qëndron pasiv, duke paralajmëruar qytetarët se nesër në Shkodër do të jepet një shfaqje e organizuar nga Drejtoria e Përgjithshme e Transportit Rrugor Shqiptar.
Statusi
“NESER NE SHKODER NJE SHFAQJE UNIKALE e organizuar nga Drejtoria e Përgjithshme e Transportit Rrugor Shqiptar.
Pas shfaqjes së suksesshme në Korçë, RetroAlbania, krijesë e #DPTRRSH rishfaqet në Shkodër, me mjete historike nga jashtë kufijve.
#DPTRRSH meriton një duartrokitje. Një ide e bukur, e ardhur nga një institucion që po transformon vetveten dhe shërbimet për qytetarët, falë një skuadre të re që punon pa orar e një drejtimi largpamës, këmbëngulës e kreativ”.
Mësohet se tre gjyqtarët e Krimeve të Rënda kanë shkuar në sallën e gjyqit, për të dhënë vendimin për ish-ministrin e Brendshëm, Saimir Tahiri.
Më herët, avokati mbrojtës i ish-ministrit të Brendshëm ka deklaruar se Tahiri është i pafajshëm, dhe se do të jetë çmenduri që gjykata të vendosë fajësi, pa asnjë provë, apo argument për ta deklaruar fajtor për tre akuza shumë të rënda.
