Mazhoranca i ka paraprirë një skenari të mundshëm dhune nga ana e opozitës, ndërsa pak orë na ndajnë nga protesta. Godina e Parlamentit është pajisur me prozhektorë të mëdhenj dhe megafonë, të cilët janë montuar gjatë paradites.
Protesta është thirrur nga Partia Demokratike dhe do të zhvillohet përpara Kryeministrisë, kundër qeverisjes së kryeministrit Edi Rama me moton “Shqipëria është në rrezik.”
Selia blu ka kërkuar leje në Policinë e Tiranës për protestën nga ora 19:00 deri në 21:00.
Kjo e fundit ka marrë masat për të siguruar mbarëvajtjen e protestës.
