Komiteti Olimpik Kombëtar Shqiptar (KOKSH), dha lajmin se është shuar në moshën 24 vjeçare notari Klavio Meca. Presidenti i KOKSH-it Viron Bezhani, zbuloi se Meca pësoi një atat kardiak sapo doli nga një lokal në Prishtinë, ku ishte me disa shokë.
Ai tha më tej se notari Klavio Meca ishte një djalë mjaft pozitiv, dhe sportist i talentuar. Largimi i tij është një humbje e madhe jo vetëm për familjen, por edhe për sportin shqiptar.
“Një lajm i hidhur për sportin shqiptar. I shpreh ngushëllimet familjes. Klavio Meca ishte në Prishtinë me disa shokë për qejf. Sapo ka dalë nga një lokal, ka pësuar atak kardiak.
Ishte një djalë mjaft pozitiv dhe sportist i talentuar. Vetëm fjalë të mira dëgjoja për të. Largimi i tij është një humbje e madhe jo vetëm për familjen, por edhe për sportin shqiptar”, tha Bezhani për ‘Abcnews.al’.
