Vazhdon lufta Izrael-Hamas. Mbrëmjen e djeshme raportohet se avionët ushtarakë izraelitë zhvilluan bombardime në pozicionet ushtarake të Hamasit në Rripin e Gazës. Ky sulm i izraelitëve vjen në kundërpërgjigje të sulmi të më hershëm të Hamasit në Izraelin jugor.
Burimet palestineze deklaruan se avionët izraelitë fluturuan mbi qytet dhe më pas u dëgjuan disa shpërthime. Raketat izraelite goditën një pozicion ushtarak që i përkiste militantëve të Hamasit.
Ekipet mjekësore dhe zjarrfikëse në Gaza ishin në gatishmëri dhe nxituan në vendet e synuara. Nuk u raportuan lëndime, por u shkaktuan dëme të mëdha në pozicionet ushtarake dhe ndërtesa.
