Nëse Franca po rishqyrton situatën lidhur me izolimin për herë të tretë, Izreali ka shtrënguar masat sërish. Ndodhur në kushtet kur kurba e infektimeve ishte gjithmonë në rritje, Izraeli është futur në izolim për herë të tretë mbarëkombëtar. Lajmi është konfirmuar nga shefi i përballimit të situatës nga koronavirusi, i cili gjithashtu ka thënë se izolimi do të zgjasë të paktën tre deri në katër javë. Kjo masë drastike është për të arritur një numër më të ulët të infektimeve. Sipas specialistëve, qëllimi është për të shkuar nën 1 mijë raste të ditë.
“Ne presim që të zgjasë midis tre deri në katër javë. Ne duam të shkojmë nën 1.000 raste të konfirmuara në ditë. Ne gjithashtu do të monitorojmë numrin e të sëmurëve rëndë”, tha profesori Nachman Ash.
Rreth 6.000 oficer policie do bllokojnë rrugët, për të zbatuar një ndalim të njerëzve që dalin nga shtëpitë e tyre përtej një rreze prej një kilometër përveçse për arsye thelbësore duke përfshirë blerjen e ushqimeve ose kërkimin e kujdesit mjekësor. Po kështu është e ndaluar vizita tek njerëzit që s’janë të afërm. Qendrat tregtare do të mbyllen dhe restorantet mund të ofrojnë vetëm shërbim në shtëpi.
