Izet Haxhia do të merret në pyetje te Krimet e Rënda. Kalimi i dosjes tek Krimet e Rënda është bërë nga Prokuroria gjatë dy seancave të kaluara, pasi kërkoi nga Gjykata shpalljen e moskompetencës, për shkak se vrasja e funksionarëve publik, tashmë hetohet dhe gjykohet nga Krimet e Rënda.
Izet Haxhia është dënuar në mungesë me 25 vite burg për vrasjen e ish-deputetit Azem Hajdari. Pas 17 vitesh në mungesë, Haxhia është rikthyer në Shqipëri duke kërkuar rihapjen e dosjes, pasi ai kurrë nuk i ka pranuar akuzat e ekzekutimit të deputetit Azem Hajdari në vitin 1998.
Izet Haxhia ka qenë truproja i Sali Berishës, deri në vitin 1998, gjatë kohës që Berisha ka mbajtur postin e Presidentit të Republikës. Pas vrasjes së ish-deputetit të Partisë Demokratike, Haxhia u arratis në Turqi nga ku dhe u ekstradua më 8 Maj 2018.
