Izet Haxhia kërkoi lirimin nga burgu ndërkohë Gjykata e ka rrëzuar këtë kërkesë të tijën.
Avokati i Haxhisë u shpreh se procesi po vijon të gjykohet politikisht.
Rrëzimi i kërkesës për revokim të masës së sigurisë “arrest në burg” është bërë pasi sipas Gjykatës është prishur vendimi i kompetencës nga Gjykata e Lartë dhe afatet fillojnë nga e para.
Sipas mbrojtësit Beqiri, arsyetimin në fjalë nuk e parashikon ligji dhe ndryshe është zbatuar për shtetas të tjerë shqiptarë.
“Abcnews.al” raporton se çështja e Izet Haxhisë u bë objekt diskutimesh midis gjykatave për çështje kompetence.
Raportohet se fillimisht dosja ishte në ish-gjykatën e krimeve të rënda e cila shpalli moskompetencën dhe ja kaloi Gjykatës së Tiranës.
Kjo e fundit e dërgoi në Gjykatë të Lartë pasi pretendoi se ishte kompetencë e Gjykatës së Posaçme për të gjykuar Ish-truprojën e Sali Berishës.
Gjykata supreme vendosi që këtë çështje duhet ta hetojë Gjykata Penale.
