Presidenti i Kosovës, Hashim Thaçi iu nënshtrua pasditen e sotme një operacioni për gurët në veshka, i cili mësohet të ketë përfunduar me sukses.
Në lidhje me këtë ka ardhur reagimi i presidentit Ilir Meta, i cili i ka uruar Thaçit shërim sa më të shpejtë dhe shëndet sa më të plotë.
Përmes një postimi në Facebook, Meta shprehet se në këto momente i qëndron pranë familjes së tij, ndërsa vlerëson edhe profesionalizmin e mjekëve që kryen ndërhyrjen.
Postimi i plotë:
I uroj përzemërsisht shërim të shpejtë e shëndet të plotë Presidentit të Republikës së Kosovës, Hashim Thaçi, dhe i shpreh familjes së Tij të dashur gjithë mbështetjen time.
Urime personelit mjekësor të Klinikës së Urologjisë në Shërbimin Spitalor të Kosovës për profesionalizmin e dëshmuar.
