Mjeku kardiokirurug i QSUT-së, Edvin Prifti, tashmë i pezulluar nga detyra nga SPAK është shfaqur paraditen e sotme në gjykatë.
Kontrolli i kryer pasditen e të enjtes, 11 shkurt në banesën e tij zbuluan 250 mijë euro dhe 16 milionë lekë në zyrën dhe banesën e kardiologut të njohur.
Ndërkohë, më herët avokati i tij tha se paratë që ju sekuestruan mjekut Prifti janë të ligjshme, pasi u përfituan nga një shitje.
Sipas avokatit, në aktet e dosjes nuk vërtetohet se mjeku ka marrë para, janë vetëm bisedat e kryesekretares me një shoqen e saj.
Hetimet ndaj tij nisën bazuar në përgjimet e sekretares së Gjykatës së Krujës të cilat kishin nisur për lirimin e të dënuarve por që kanë zbuluar për Prokurorinë e Posaçme edhe korrupsionin në shëndetësi.
