Policia italiane ka arrestuar gjashtë shqiptarë, autorë të 53 vjedhjeve dhe grabitjeve në katër rajonet e Italisë veriore. Operacioni për arrestimin e shqiptarëve është zhvilluar nga policia e Cremonës me emrin e koduar “Night terror”.
Hetimet për këtë grup kanë zgjatur gjashtë muaj. Operacionet kanë nisur gjashtë muaj më parë në nga shtatori i 2016 deri në mars të 2017.
Sipas mediave italiane, kreu u kësaj bande është një shqiptar rreth 43-vjeçar, rezident në zonën e qytetit të Bergamos. Sakaq, shqiptarët e tjerë të arrestuar janë të moshave nga 27 në 40 vjeç, të cilët rezultojnë të jenë banues në në pjesën jugore të qytetit të Milanos.Aktiviteti i shqiptarëve të arrestuar ishte përqendruar në dhjetë provinca: Milano, Brescia, Cremona, Verona, Mantova, Parma, Modena, Bologna si dhe Forli.
Secili prej shqiptarëve, kishte rolin e tij brenda grupit dhe mënyrën e veprimit ishte thuajse e njejtë për të gjitha raste e grabitjeve apo të vjedhjeve të bëra në 10 provinca të Italisë.Harta që shihni më poshtë është ndërtuar nga policia italiane dhe tregon të gjitha zonat në të cvilat shqiptarët kryenin veprimtarinë e tyre.
Me të rënë errësira, shqiptarët udhëtonin deri në 400 kilometra në vende të ndryshme për të kryer grabitjet. Karabinierët kanë mundur të sekuestrojnë sende me të vjedhura, të cilat kapnin shifrën e 500 mijë eurove, dhe më pas është bërë e mundur kthimi tek pronarët e ligjshëm. TIRANA TODAY
