Dy vlonjatë kanë rënë në prangat e policisë italiane. Karabinierët e Leçes kanë arrestuar shtetasit Renato Uku, 36 vjeç dhe Oltion Proko, 29 vjeç që të dy nga Vlora.
Mediat lokale shkruajnë se policia ka sekuestruar mbi 250 kg marijuhanë.
Ndërsa personi i tretë i arrestuar është një 43-vjeçar italian nga Brindisi, Salvatore Lograno.
Droga u gjet në një makinë me të cilën lëvizte italiani para se të ndalohej efektivët, dhe dy banesa.
Shqiptarët vijojnë me aktivitetin e tyre të drogës në shtetin fqinj me gjithë bashkëpunimet ndërmjet dy policive për asgjësimin e grupeve kriminale.
