Një shqiptarë i pajetë është gjetur buzë një kanali në shtratin e lumit Vera, në provincën e Aquillas. Mediat italian bëjnë të ditur se viktima quhet Edmond Preka dhe se denoncimi për zhdukjen e tij ishte bërë nga bashkëshortja një ditë më parë.
Hetimet e bëra kanë vërtetuar së në trupin e 36-vjeçarit nuk janë gjetur shenja dhune dhe dyshohet se vdekja e tij të ketë qenë për motive natyrore ose një aksident.
Edmond Preka jetonte prej vitesh në Paganica të Italisë, punonte në ndërtim dhe ishte baba i dy fëmijëve. Prokura e Aquillas ka vendosur ekzekutimin e autopsisë mbi trupin e shqiptarit për zbardhjen e motivit të vdekjes.
