Prostitucioni dhe trafiku i drogës iu kanë hapur punë edhe autoriteteve italiane, pasi trafikantët kanë rezultuar të jenë shqiptarë, por ka patur edhe raste të tjera, që janë arrestuar shtetas shqiptarë në bashkëpunim me grupet e ndryshme mafioze në Itali-shkruan Tirana Today.
Ndërkohë ka nisur gjyqi për 7 anëtarët e bandës shqiptare mafioze që vepronte në Itali. Antimafia italiane ka kryer 30 mijë përgjime të 7 anëtarëve të grupit mafioz në Cossato.
Gjyqi po mbahet në gjykatën e Biellës, ndërsa procesi gjykues po drejtohet nga kryeprokurori Onelio Dodero. Antimafia kishte nisur hetimet në vitin 2001 për 7 shqiptarëve-shkruan lastampa.it
Ajo ka zbuluar bazën e parë në rrugën “Battisti” dhe më pas ka identifikuar bazën kryesore në Mecerata. Në momentin e arrestimit të grupit janë sekuestruar 100 kg heroinë dhe kokainë, ndërsa disa nga vajzat e shoqëruara kanë treguar në polici, se si trajtoheshin dhe detyroheshin për të prostituuar dhe të kryenin aborte, si qëllim për të dalë sërish në rrugë.
Nga dyshimet e para mendohet se janë 20 anëtarë, ndërsa 13 të tjerë priten të arrestohen në ditët në vijim. Aktualisht akumulimi i 30 mijë përgjimeve janë prova të reja dhe të mjaftueshme për dënimin e tyre. TIRANA TODAY
