Italia ka vendosur t’i ashpërsojë edhe më shumë masat kufizuese, teksa mësohet se në vend është aktivizuar edhe një vëzhgim satelitor.
Komisioneri i Bashkimit Evropian për Menaxhimin e Krizave, Janez Lenarçiç ka njoftuar se Mbrojtja Civile në Itali ka aktivizuar programin evropian të vëzhgimit satelitor, “Copernicus”.
Ky program do të shërbejë për të shënjuar strukturat e përkujdesjes shëndetësore dhe pikat e grumbullimit të qytetarëve të cilët thyejnë karantinën.
Në këtë mënyrë do të monitorohet territori dhe aktivitetet e ndryshme në hapësirat publike, gjatë emergjencës COVID-19.
Vendimi ka ardhur kryesisht nga numri i lartë i atyre që kanë shkelur rregullat e karantinës. Forcat e rendit në Itali kanë gjobitur më shumë se 20 mijë persona fundjavën që kaloi, pasi nuk respektuan masat e qeverisë.
