Një lajm i mirë vjen nga Italia, teksa vendi ka shënuar numrin më të ulët të viktimave, që prej shpërthimit të pandemisë.
Sipas Worldometers, në 24 orët e fundit në vendin fqinj kanë humbur jetën vetëm 6 persona. Kështu shkon në 34,744 numri total i personave që kanë ndërruar jetë si pasojë e kësaj sëmundjeje.
Një rënie është evidentuar edhe në numrin e rasteve të reja, teksa në 24 orët e fundit janë regjistruar 126 persona të infektuar. Deri më tani, në Itali janë shënuar më shumë se 240 mijë raste me koronavirus, prej të cilëve mbi 16 mijë raste janë ende aktive.
Më shumë se 10.3 milionë njerëz nga e gjithë bota janë prekur nga koronavirusi, ndërsa mbi 505 mijë persona kanë humbur jetën.
