Italia, e cila është shndërruar në një nga “vatrat” e koronavirusit në Evropë, thuhet se ka “infektuar” një pjesë të Zvicrës.
Lajmin e mësipërm e ka konfirmuar Ministria e Shëndetësisë së Zvicrës e cila thekson se situata më e rëndë paraqitet në territorin që është në kufi me Italinë.
Raportohet se numri i viktimave në Zvicër ka shkuar në 56, ndërsa rezultojnë të infektuar me mijëra persona.
Brenda 24 orësh thuhet se janë shënuar 1200 raste të reja me COVID-19.
Autoritetet kanë saktësuar se kanë marrë masa dhe janë ndaluar tubimet publike, po ashtu është vendosur që njerëzit të mbajnë distanca, ndërsa janë marrë edhe vendime për gjoba ndaj të gjithë atyre që nuk respektojnë rregullat qeveritare.
Kujtojmë se disa nga shtetet që kanë pësuar humbjet më të shumta në njerëz si pasojë e koronavirusit janë: Italia, Kina, Irani dhe Spanja.
