Duke filluar që nga sot, Italia hap kufijtë e brendshëm e të jashtëm në të gjithë territorin kombëtar.
Mediat italiane raportojnë se do të lejohet hyrja në vend pa regjim karantine për të gjithë qytetarët e zonës Schengen, të Republikës së San Marino e të Britanisë së Madhe.
Mirëpo për italianët që duan të udhëtojnë drejt vendeve të BE-së, duhet që të respektojnë rregullat shtrënguese që kanë vendosur disa vende për të gjithë ata që udhëtojnë nga Italia.
Hapja e kufijve mes rajoneve është shoqëruar me debate të drejtuesve lokalë. Disa drejtues lokalë për të evituar grumbullimet e të rinjve në fundjavë kanë firmosur urdhëresën e ndalimit të përdorimit të pijeve alkoolike pas orës 21:00 të mbrëmjes.
Guvernatorët e rajoneve Siçilia, Kampanja e Sardegna kanë kërkuar që hapja e kufujve të tyre të shtyhet deri më datë 7 qershor e të vendoset regjimi i karantinës së detyruar për persona që vijnë nga rajone të tjera.
Nga sot nis dhe funksionimi i plotë i linjës hekurudhore. Për udhëtarët do të kryhet kontrolli i temperaturës së trupit, që nuk duhet të jetë më shumë se 37.5 gradë.
