Italia është e gjunjëzuar nga koronavirusi. Pas rritjes së numrit të rasteve të reja, Italia do t’i ashpërsojë masat kundër covid-19. Të dielën mbrëma, kryeministri Giuseppe Conte tha se masat janë të nevojshme, “për të shmangur izolimin e plotë”.
Italia ka qenë vendi më i goditur në Evropë në fillim të pandemisë, në muajin mars. Gjatë 24 orëve të fundit janë regjistruar 9338 raste të reja dhe 73 viktima. Qeveria në Romë lëshoi një dekret të ri sa i përket masave shtesë anti-Covid.
Disa prej masave shtesë:
-autorizon kryetarët e bashkive e komunave të mbyllin rrugë e sheshe që popullohen nga jeta e natës. Aurorizohen të hyjnë vetëm banorët rezidentë.
– mbyllen në orën 18:00 të gjithë lokalet, baret, pubet pa vende ulje per klientët.
-mbyllen në ora 24:00 lokalet e restorante. Lejohen vetëm 6 persona në tavolina e një numër maksimal i përcaktuar paraprakisht i klientëve në lokal.
– shkollat nuk do të mbyllen, por për nxënësit e ciklit të lartë e studentët hyrja në shkollë do të bëhet me turne.
– nuk lejohet mbajtja e kongreseve e organizimi i panaireve. Lejohen vetëm konferenca me rëndësi kombëtare.
– Administrata publike duhet të zhvilloj mbledhje vetëm në telekonferenca.
– I jepet një javë kohë verifikimit të protokolleve të sigurisë në palestra e pishina për të marrë vendimin e mbylljes ose jo të tyre.
