Mario Baloteli është kthyer me një postim shfryrës në rrjetet sociale. “Shpërthimi” erdhi pas komenteve negative deri në urrejtje ndaj tij së fundmi, pasi zërat e përhapur nga agjenti i tij Raiola se Mario do të kërkojë një ekip që ta ndihmojë të kapë kombëtaren për botërorin duket se kanë indinjuar shumë italianë të ngopur me Marion.
Postimi i Balotelit:
“Kam parë kaq shumë fyerje ndaj meje dhe siç e dini nuk e kam problem të shpreh mendimet e mia. Unë nuk e kuptoj gjithë këtë urrejtje ndaj meje nga kaq shumë italianë! Italia po bën një evropian të shkëlqyer. Unë nuk jam atje sepse ata djemtë atje në vitet e fundit e kanë merituar grumbullimin më shumë se unë por ç’kuptim ka të shkruash për mua:” ti je i mjerë”,” rri në shtëpi “, “nuk vlen për asgjë”, “nuk je italian”… A keni menduar ndonjëherë që Kupa e Botës është një turne i vështirë për tu arritur nga unë, por jo i pamundur? Dhe çfarë duhet të them nëse e meritoj grumbullimin (për Kupën e Botës)? Jo, nuk e identifikoj veten me ju por çfarë, lamtumirë Kombëtare ? Mendoni para se të shkruani: nuk pështyhet kurrë në pjatën ku ke ngrënë! Sidoqoftë, tani, para Italia të gjithë së bashku”.
