Vaksina Astrazeneca në Itali do të përdoret vetëm për njerëzit mbi 60 vjeç. Lajmi vjen pas rasteve të rralla të trombozës që kanë ndodhur javët e fundit. Personat nën moshën 60 vjeç që kanë marrë dozën e parë të AstraZeneca do të kenë dozën e dytë Pfizer ose Moderna.
“AstraZeneca do të përdoret vetëm për njerëzit mbi 60 vjeç“, tha Gjenerali Francesco Paolo Figliuolo, duke shpjeguar se “aktualisht kemi një audiencë prej rreth 3.5 milion mbi 60-të. Dozat e dyta nën 60 do të kryhen me vaksinat mRna.
Në kontekstin e ndryshuar epidemiologjik, CTS në dialog të ngushtë me Komisionin Teknik Shkencor të AIFA dhe me institucionet e tjera shëndetësore, e ka konsideruar të përshtatshme për të rivlerësuar indikacionet për përdorimin e vaksinës AstraZeneca, shkruan Adnkronos.
Skenari epidemiologjik ka ndryshuar, marrëdhënia midis përfitimeve dhe rreziqeve të mundshme ndryshon jo vetëm sipas moshës së njerëzve.
Pas një vlerësimi jashtëzakonisht të saktë, skrupuloz dhe të përpiktë, CTS ka rekomanduar qartë në lidhje me dozat e para për të rezervuar vaksinën AstraZeneca për ata që janë nga mosha 60 vjeç e lart, shpjegoi koordinatori i CTS, Franco Locatelli.
