Anija e shpëtimit “Ocean Viking” ka shmangur një tragjedi në ujërat italiane. Mësohet se 92 persona, kryesisht nga Libia, janë shpëtuar nga anija që ka pikasur gomonen me emigrantët e paligjshëm.
“Ocean Viking sapo ka shpëtuar 92 persona nga një gomone e mbipopulluar, përfshirë gra shtatzëna dhe foshnje”, shkruan në Twitter organizata “Mjekë pa Kufij” (MSF).
Mes të shpëtuarve ishin pesë gra shtatzëna dhe 38 fëmijë e adoleshentë. Sipas informacioneve, gomonia është shpëtuar në momente kritike, pasi një pjesë e madhe e emigrantëve ishin të prekur nga hipotermia dhe ishin të mbuluar me naftë.
