Italia ka regjistruar sërish një rritje të numrit të viktimave nga koronavirusi, gjatë 24 orëve të fundit.
Ditën e djeshme në vendin fqinj u shënuan vetëm 8 viktima, ndërsa sot kanë humbur jetën 22 persona. Kështu shkon në 34,738 numri total i personave që kanë humbur jetën nga COVID-19 në Itali.
Sa i përket numrit të rasteve të reja, ai mbetet pothuajse i pandryshuar teksa sot janë shënuar 174 raste, një rast më pak se ditën e djeshme.
Deri më tani, Italia ka regjistruar më shumë se 240 mijë raste me koronavirus, duke u renditur e nënta në botë për numrin më të madh të rasteve. Sipas Worldometers, në vendin fqinj janë ende mbi 16 mijë raste aktive.
