Italia ka shënuar një rritje të numrit të viktimave nga koronavirusi në 24 orët e fundit.
Ditën e djeshme vendi shënoi numrin më të vogël të viktimave që nga shpërthimi i pandemisë, vetëm 6. Por sot janë regjistruar plot 23 viktima, duke e çuar në 34.767 numrin total të vdekjeve në shtetin fqinj.
Edhe numri i të infektuarve të rinj në 24 orët e fundit ka pasur një rritje të lehtë duke shënuar 142 raste, ndërsa dje ishin 126 persona.
Në total që prej fillimit të pandemisë janë 240.578 persona të infektuar me koronavirus. Prej këtyre, më shumë se 15 mijë raste janë ende aktive.
Më shumë se 10.4 milionë njerëz nga e gjithë bota janë prekur nga koronavirusi, ndërsa mbi 510 mijë persona kanë humbur jetën.
