Një ditë më parë, kryeministri italian Giuseppe Conte dha dorëheqjen, duke i dhënë fund qeverisjes 14 mujore të populistëve. Po kështu, ai ia paraqiti dorëheqjen presidentit Sergio Mattarella, i cili sot, fillon konsultimet me partitë politike.
“Presidenti i Republikës, Sergio Mattarella, priti sot kryeministrin Conte. Presidenti pranoi dorëheqjen, dhe ftoi qeverinë të vazhdojë të kujdeset për vendin. Konsultimet nisin të mërkurën, dhe agjenda do të prezantohet shpejt”, shprehet Ugo Zampetti, sekretar i përgjithshëm i Presidencës.
Presidenti Sergio Mattarella mund të mos e pranojë dorëheqjen, dhe t’i kërkojë Conte-s të qëndrojë në post, duke u përpjekur që të gjejë një alternativë për të marrë shumicën në parlament. Ai mund ta pranojë dorëheqjen, dhe të kërkojë një kryeministër tjetër, i cili mund të formojë një koalicion të ri. Nëse këto opsione nuk janë të mundshme, parlamenti mund të shpërbëhet, duke kërkuar zgjedhje të reja në tetor.
