Prej dy ditësh, Italia po regjistron një rritje të kurbës së numrit të viktimave nga koronavirusi.
Para dy ditësh, vendi fqinj shënoi vetëm 55 viktima, ndërsa dje ky numër shënoi rritje duke shkuar në 71. Ndërsa në 24 orët e fundit, Italia ka regjistruar 88 viktima, pra 18 më shumë se dje.
Kështu shkon në 33,689 numri total i personave që kanë humbur jetë nga koronavirusi në Itali. Një rritje është vënë re edhe në numrin e rasteve të reja, ku në 24 orët e fundit janë regjistruar 177 më shumë se një ditë më parë.
Deri më tani, Italia regjistron 234,013 raste të konfirmuara me koronavirus, prej të cilave mbi 38 mijë janë ende aktive.
Aktualisht janë 5,503 pacientë të shtruar në regjim spitalor e 338 në repartet e terapisë intensive.
Më shumë se 6,6 milionë njerëz nga e gjithë bota janë prekur nga COVID-19, ndërsa mbi 389 mijë persona kanë humbur jetën.
