Një aksident në komunën Gioia Tauro në Kalabri, i ka marrë jetën një shqiptari, i cili ka qenë duke u kthyer nga dasma e vajzës të tij.
Identiteti i 65-vjeçarit shqiptar, ende nuk është bërë publik. Mediat italiane raportojnë se i ndjeri ndodhej në makinë me gruan dhe vajzën tjetër, në momentin kur ndodhi aksidenti.
Mjeti me të cilin po udhëtonte është përplasur me një veturë tjetër, duke lënë të plagosur drejtuesen e saj, ndërsa plagë nga aksidenti mori edhe vajza e shqiptarit.
Si pasojë e goditjes së fortë, një prej makinave ka dalë nga rruga, ndërsa tjetra është bllokuar në mes të saj.
Shkaqet e aksidentit mbeten të paqarta, ndërsa policia ka nisur punën për të zbuluar rrethanat e plota të ngjarjes.
