Për herë të parë që nga shpërthimi i koronavirusit në Itali, numri i të shëruarve e tejkalon atë të sëmurëve.
Sipas mediave vendase, deri më tani në Itali regjistrohen 93,245 të shëruar, ndërsa 91,528 raste janë ende aktive.
Autoriteteve shëndetësore bëjnë me dije se vetëm 1,333 persona ndodhen në gjendje të rëndë shëndetësore.
Kryeministri Giuseppe Conte është shprehur se po punohet për një rihapje të mëtejshme, pasi sipas tij vendi nuk duhet të vazhdojë të ketë një bllokim të rreptë.
“Nuk kemi pse të vazhdojmë të mbetemi të bllokuar, ne mund të përpiqemi të vlerësojmë hapje të mëtejshme të dyqaneve”, tha Conte.
Italia tashmë renditet e dyta në Evropë për numrin më të madh të viktimave nga koronavirusi, pas Mbretërisë së Bashkuar. Vendi fqinj shënon mbi 214 mijë raste infektimi dhe 29,684 viktima.
