Shkrimtari i mirënjohur shqiptar Ismail Kadare na ka bërë edhe njëherë krenarë duke marrë një çmim të rëndësishëm në Korenë e Jugut. Ai është vlerësuar me çmimin “Pak Kyong-ni 2019”, si mirë njohje për veprat e tij me vlera sociale. Media koreane “The Korea Heald” përmend veprat e famshme të Kadaresë dhe çmimet që ai ka marrë.
“Shkrimtari, 83-vjeçar ka qenë një nga figurat letrare më me ndikim në Evropë që nga debutimi i tij në vitet 1960. Në 2005 mori çmimin “Man Booker International”, për gjithë veprat e tij. Ai është nominuar edhe për çmim “Nobel”. Veprat e tij më të njohura janë “Kështjella”, “Prilli i thyer”, “Lulet e ftohta të marsit”. Më shumë se 10 romane të tij, të shkruara në shqip, janë përkthyer në gjuhën koreane”, shkruan media koreane.
Ceremonia e ndarjes së çmimeve do të zhvillohet këtë të shtunë në provincën Gangwon dhe ai do të marrë 100 milionë won (84.173 dollarë). /Dritare.net
