Ina në “Për’Puthen”, për herë të parë ka ndarë me publikun një histori të dhimbshme të së kaluarës. Gjatë takimit të saj me Silvion, djalin shqiptar që erdhi nga Italia për të, Ina tregoi se në pjesën e brendshme të krahut mban një tatuazh ku shkruhet “je dashuria e jetës sime”.
“Është bërë para se të vdiste, por pavarësisht se ai nuk jeton më, unë kam vendosur ta mbaj. Është pjesë e jetës sime. Ne nuk u ndamë, ishte tragjedi ajo që ndodhi”, tha ajo.
E pyetur gjatë emisionit se përse vendosi që ta ndante historisë, Ina u përgjigj: “Në fakt, pas ngjarjes e kam pasur shumë të vështirë që të ndërtoj marrëdhënie [të tjera].
Në fillim nuk e përjetova si vdekje. Nuk e besoja dhe kisha dramat e mia psikologjike. Por Silvio kishte tatuazh dashurinë e parë të jetës së tij. Ai mund të kishte gënjyer, por u tregua i sinqertë. Dhe kjo më ndihmoi që të ndaja një histori personale të jetës sime”.
