Ministrja e Shëndetësisë, Ogerta Manastirliu, bën me dije se doktori i spitalit ”Shefqet Ndroqi”, Alban Hatibi e ka fituar betejën me koronavirusin.
“Një lajm i mirë në këto ditë të vështira për sistemin tonë shëndetësor, në përballjen e pazakontë me COVID19! Dr. Alban Hatibi, mjeku i përkushtuar prej 30 vitesh në shërbimin e reanimacionit në spitalin “Shefqet Ndroqi” sot e fitoi betejën e tij me Covid19”, shkruan ajo në Facebook.
Pak ditë më parë gjendja e doktor Hatibit u përkeqësua ndjeshëm, por fatmirësisht tashmë gjithçka duket të jetë lënë pas dhe ai është rikthyer pranë kolegëve të tij.
