Gjyqtarja pranë Gjykatës së Tiranës, Anila Guri (Kristani) është shkarkuar nga detyra. Vendimi është marrë në seancën e sotme të vettingut, nga Komisioni i Pavarur i Kualifikimit.
Trupa gjykuese që shqyrtoi çështjen përbëhej nga Lulzim Hamitaj kryesues, Alma Faskaj relatore dhe Suela Zhegu anëtare. Në cilësinë e vëzhguesit ndërkombëtar ishte i pranishëm Branko Hrvatin.
Gjyqtarja, e cila ishte dhe kandidate për në Gjykatën Kushtetuese, kishte probleme me pasurinë.
KPK bëri me dije se problemet e pasurisë së Gurit ishin vënë në dukje që në raportin e Inspektoriatit të Lartë të Deklarimit dhe Kontrollit të Pasurive e Konfliktit të Interesit, ILDKPKI. Sipas këtij raporti gjyqtarja Guri “nuk kishte kryer deklarim të saktë të pasurisë, s’ka burime të ligjshme, ka kryer fshehje e deklarim të rremë”.
