Gjatë muajit janar janë shtuar ndjeshëm me rastet me grip, sidomos në rrethin e Tiranës. Sipas Institutit të Shëndetit Publik gjatë katër javëve të fundit ka pasur rritje të pacientëve me grip sezonal, çka ka shtuar edhe numrin e të shtruarve në spital.
“Prej fillimit të vitit në vend është evidentuar qarkullimi i viruseve A/H1pdm09, A/H3 dhe B të gripit. Në javën e katërt të vitit 2020 vërehet një prirje në rritje e numrit të infeksioneve Respiratore të Sipërme dhe të Poshtme dhe ky numër është 4% më i lartë krahasuar me të njëjtën periudhë të vitit të kaluar.
Në javën e katërt të 2020 aktiviteti i IRA paraqet prirje në rritje, aktivitet gjeografik të përhapur, intensitet mesatar, impakt mesatar”.
Ministria e Shëndetësisë dhe Mbrojtjes Sociale dhe Instituti i Shëndetit Publik kanë ftuar të gjithë qytetarët të kujdesen për higjienën vetjake, dhe të informohen për kujdes ndaj gripit dhe të ftohtit në faqet zyrtare të këtyre institucioneve, ku që prej fillimit të sezonit të gripit ka nisur sensibilizimin me këshilla dhe orientim për periudhën e sezonit të gripit”, shkruhet në deklaratën e ISHP-së.
