Situata sa vjen e bëhet më problematike në disa zona të vendit, reshjet intensive dhe shkrirja e borës së rënë ditët e fundit ka bërë që prurjet në lumenj të shtohen, e tillë është paraqitur situata edhe në lumin Ishëm.
Për pasojë janë regjistruar përmbytje në fshatrat Murqinë dhe Mallkuç të Fushë-Krujës.
Niveli i ujit ne fshatin Murqinë ka shkuar deri në 1 metër, duke ua bërë të pamundur banorëve daljen nga banesat e tyre.
Raportohet se janë rreth 30 banesa te rrethuara nga uji. Ndërkohë dhjetëra hektarë tokë bujqësore gjendet nën ujë.
Kujtojmë që kjo është hera e tretë që fshatrat e Fushë-Krujës mbulohen në ujë, e fundit ishte pak javë më parë.
