Ish-kryeministri i Kosovës, Isa Mustafa është prej kohësh në një gjendje jo të mirë shëndetësore, teksa po kurohet në Gjermani.
Por, si është gjendja e tij aktuale? Këshilltari i Mustafës, Bajram Gecaj ka deklaruar për “Gazeta Blic” se gjendja shëndetësore e ish-kryeministrit është vazhdimisht në përmirësim dhe për kthimin e tij vendosin mjekët.
“Gjendja e Isa Mustafës është vazhdimisht në përmirësime, presim të na kthehet sa më shpejt shëndoshë e mirë, edhe pse për momentin e kthimit të tij vendosin mjekët”, tha ai.
Rikujtojmë që Isa Mustafa prej dy muajsh nuk është në Kosovë, teksa po merr trajtimin mjekësor në një spital në Gjermani.
Ndërkohë, mjeku i tij personal Halil Krasniqi ka deklaruar ditë më parë se kthimi i Isa Mustafës në Kosovë do të ndodhë gjatë fillimit të pranverës.
