Operacioni antidrogë që është realizuar mbrëmjen e djeshme në Vlorë, ishte pjesë e një aksioni ndërkombëtar kundër kokainës. Forcat Operacionale të Tiranës kanë zhvilluar një aksion të befasishëm anti-drogë në Vlorë, në shkallë të gjerë.
Raportohet se janë zhvilluar kontrolle në zonën e Skelës, në zonën e Ujit të Ftohtë dhe në fshatrat e lumit, për shitjen e dograve të forta dhe kultivimit të kanabisit, ndërsa janë shoqëruar 7 persona.
Personat e shoqëruar janë mbajtur në vëzhgim prej disa javësh, dhe më pas është bërë ndërhyrja për kapjen e tyre. Ndërkohë, 3 persona janë arrestuar për llogari të shteteve të huaja, më konkretisht për Spanjën, Italinë dhe Holandën, por nuk dihet ende identiteti i tyre.
Policia ende nuk ka bërë një njoftim në lidhje me aksionin në fjalë.
