Një ditë më parë, policia dha informacione në lidhje me një rast të rëndë, ku një e mitur është përdhunuar nga një 57-vjeçar për dy vite. 10-vjeçarja abuzohej prej dy vitesh nga një 57-vjeçar, ndërsa e kërcënonte edhe me sqepar.
Ngjarja ka ndodhur në lagjen ‘1 Maji’ në Kuçovë, në banesën e 57-vjeçarit Ajet Dume, ku jetonte edhe familja e vajzës prej 3 vitesh.
Nëna e vajzës 10-vjeçare, ka dhënë dëshminë e saj në lidhje me ngjarjen e rëndë. Ajo është rrëfyer se vajza është abuzuar që në klasë të tetë, në kohën kur prindërit kanë qënë në punë.
E mitura nuk i ka treguar asgjë, pasi ka patur frikë duke qënë se abuzuesi e kishte kërcënuar. Ndërsa vetë vajza është shprehur se ai e kërcënonte me sqepar, nëse tregonte se çfarë kishte ndodhur.
