Liderët e vendeve të BE nuk arritën të marrin një vendim për hapjen e negociatave me Shqipërinë dhe Maqedoninë e Veriut. Kancelarja gjermane, Angela Merkel shprehu keqardhjen për këtë vendim. Por ky vendim duket se nuk është kapërdirë mjaft lehtë nga ana e kryeministrit Zaev, i cili ka dhënë dorëheqjen.
Pas lajmit të mediave italiane, se kryeministri i Maqedonisë të Veriut, Zoran Zaev ka dhënë dorëheqjen, janë përcjellë edhe reagimet e para.
Ndër to spikat dhe deklarata që ka bërë ish-deputeti i PS, Andis Harasani, i cili ka kërkuar dorëheqjen e Edi Ramës.
“Jep dorëheqjen sot. Më mirë. Të paktën të mbahesh mend për diçka të mirë”, shkruan ai në një postim në Facebook.
