Ish-presidenti Bujar Nishani deklaroi në studion e “360 Gradë”, se kryeministri Rama ka pasur informacion për profilin e prokurorit Ndoja, dhe nuk ka bërë asnjë kallëzim penal. Nishani tha mbrëmjen e sotme se Rama ka patur informacion që prokurori Arjan Ndoja ishte i inkriminuar, dhe është në funksion të krimit. Teksa hodhi hije dyshimi mbi këtë çështje, ai deklaroi ndër të tjera se kryeministrit dhe presidentit i shkon çdo lloj informacioni për individë me profil të tillë.
“Kryeministri i vendit e ka poseduar informacionin që ky prokuror është i inkriminuar, dhe është në funksion të krimit. Si ka mundësi që një kryeministër…. Mua si një qytetar i thjeshtë, më bën përshtypje të madhe se si kryeministri i vendit ka informacion, dhe mekanizmat në xhep për ta zgjidhur. E di që ky prokuror është i lidhur me krimin, dhe i shërben krimit dhe mund ti ndodhi ajo që i ndodhi. Dhe nuk ka bërë një kallëzim penal ndaj këtij prokurori.
Nuk po them hetime, arrestime e përndjekje të tij nga ligji, por një kallëzim prokurores së Përgjithshme. Kryeministri disponon 1-2-3-4-5 informacione, dhe besoj se disponon informacion. Se kryeministrit dhe Presidentit të Republikës i shkon çdo lloj informacioni për individë me profil të tillë, në administratën publike siç mund të jetë një prokuror apo gjyqtar, dhe që mund të jetë i lidhur me krimin.
